| 15/06/2011 12:00:00 am - ກອງປະຊຸມສໍາມະນາວິຊາການ ສູ່ຄຸນນະພາບ ຄັ້ງວັນທີ 9-10.6.2011 |
ສົ່ງເສີມວິຊາການ ໃນວັນທີ 9/6/2011 ເວລາ 8:00 ຂອງຕອນເຊົ້າວັນພະຫັດ ໄດ້ມີການຈັດກອງປະຊຸມສໍາມະນາວິຊາການ ສູ່ຄຸນນະພາບ ທີ່ຫ້ອງປະຊຸມຊັ້ນສອງ ວິທະຍາໄລຄູສະຫວັນນະເຂດ ເຊິ່ງເປັນກຽດເຂົ້າຮ່ວມໃນກອງປະຊຸມ ມີ ທ່ານ ອາຈານ ກຶ່ງ ໄຊຍະສານ ຜູ້ອໍານວຍການ ວິທະຍາໄລຄູສະຫວັນນະເຂດ ພ້ອມດ້ວຍຄະນະ, ຫົວໜ້າຫ້ອງການ ທັງສິບ ຫ້ອງການ,ພ້ອມຄະນະ ກໍ່ເປັນກຽດເຂົ້າຮ່ວມ, ຫົວໜ້າໜ່ວຍງານ, ຮອງຫົວໜ້າໜ່ວຍງານ ແລະ ພະນັກງານຄູ-ອາຈານທັງໝົດ ກໍ່ໃຫ້ກຽດເຂົ້າຮ່ວມ. ເຊິ່ງປະທານ ຂອງກອງປະຊຸມສໍາມະນາໃນຄັ້ງນີ້ ແມ່ນ ທ່ານ ອາຈານ ກຶ່ງ ໄຊຍະສານ. (ເຊິ່ງກອງປະຊຸມສໍາມະນາວິຊາການ ແມ່ນຈະໃຊ້ເວລາດໍາເນີນງານ ຈໍານວນ 2 ວັນ). ໂດຍສະເພາະແລ້ວ ເນື້ອໃນຂອງກອງປະຊຸມສໍາມະນາໃນຄັ້ງນີ້ ແມ່ນໄດ້ເວົ້າເຖິງຫຼາຍບັນຫາ ແລະ ຫຼາຍໆຄໍາຄິດຄໍາເຫັນຂອງຄູ-ອາຈານ ແຕ່ລະທ່ານເຊັ່ນ: 1. ບັນຫາຂອງນັກສຶກສາ 2. ບັນຫາຂອງຄູ-ອາຈານ 3. ການລົງເຝິກຫັດວິຊາຊີບ 4. ການສ້າງແຟ້ມສະສົມຜົນງານ |