ວິທະຍາໄລຄູສະຫວັນນະເຂດ ປະຕິບັດນະໂຍບາຍເງິນສົງເຄາະ ແດ່ຄອບຄົວ ອຈ ສົມບູນ ນັນທະວົງສາ ທີ່ໄດ້ສູນເສຍແມ່ທີ່ແສນເຄົາລົບຮັກ

ເວລາ 11:00 ນາທີ ຂອງວັນທີ 25 ເມສາ 2025 ຄະນະພັກ, ຄະນະອຳນວຍການ, ຄະນະພະແນກ/ພາກວິຊາ , ພະນັກງານຄູອາຈານ ຕ່າງໜ້າໃຫ້ວິທະຍາໄລຄູສະຫວັນນະເຂດ ໄດ້ຮ່ວມແບ່ງເບົາຄວາມທຸກໂສກ ໄວ້ອາໄລແດ່ການຈາກໄປຂອງທ່ານ ນາງຈັນແດງ ເກດຕະວົງ ຜູ້ທີ່ເປັນແມ່ຂອງ ອາຈານ ສົມບູນ ນັນທະວົງສາ ທີ່ໄດ້ເສຍຊີວິດ ໃນວັນທີ 24 ເມສາ 2025 ດ້ວຍໂລກຊະລາ ທີ່ບ້ານຫົວເມືອງໃຕ້ ນະຄອນໄກສອນພົມວິຫານ ແຂວງສະຫວັນນະເຂດ, ໃນພິທີດັ່ງກ່າວ ທ່ານ ລັດສະໝີ ພະໄຊສີ ຜູ້ອຳນວຍການວິທະຍາໄລຄູສະຫວັນນະເຂດ ພ້ອມຄະນະ ກໍໄດ້ແບ່ງເບົາຄວາມທຸກໂສກນຳຄອບຄົວ ດ້ວຍການມອບເງິນນະໂຍບາຍສົງເຄາະກິນທານ ໃນນາມພະນັກງານທັງໝົດ ເປັນຈຳນວນເງິນ 5,520,000 ກີບ ຕໍ່ກັບການສູນເສຍໃນຄັ້ງນີ້ ວິທະຍາໄລຄູສະຫວັນນະເຂດ ຂໍສະແດງຄວາມເສຍໃຈຢ່າງຍິງນຳຄອບຄົວຂອງທ່ານ ຂໍໃຫ້ດວງວິນຍານຂອງທ່ານ ຈັນແດງ ເກດຕະວົງ ໄປສູ່ສຸກຂະຕິສຸກດ້ວຍເຖິດ.